Skuadra e Milanit sfidon Fiorentinën këtë fundjavë në ndeshjen e radhës në kampionatin italian. Trajneri i kuqezinjve, Stefano Pioli ka analizuar vigjiljen e kësaj përballje teksa ka theksuar se duhet neutralizuar sulmuesi Vlahoviç.
“Jam gjithmonë i kujdesshëm ndaj skuadrave në vështirësi për shkak të mungesave. Na ndodhi edhe neve dhe gjetëm më shumë energji dhe vendosmëri. Pastaj flasim për një ekip që ka një identitet të fortë dhe që bën futboll të bukur. Fiorentina do të jetë një kundërshtar shumë i vështirë. Vlahoviç është rritur shumë. E kam trajnuar kur ishte shumë i ri, por ka potencial të madh. Ai është një sulmues shumë i fortë. Vlerësimi i parë varet nga kushtet. Kush është më mirë, luan.
Më pas vlerësoj karakteristikat individuale në krahasim me kundërshtarët. Dje më në fund pata të gjitha dyshimet e duhura dhe mund të zgjidhja me sy mbyllur. Të gjithë janë të fortë, por me karakteristika të ndryshme. Grupi e di vështirësinë e ndeshjeve dhe e di që është një moment i rëndësishëm në kampionat. Fitoret janë gjithmonë me tre pikë, por ndeshja ndaj Fiorentinës peshon shumë. Jemi përgatitur mirë dhe lojtarët janë të fokusuar dhe të vendosur”, tha Pioli.
Discussion about this post