Milani sfidon Porton në ligën e kampionëve ku synon të marrë pikët e para në grup pas humbjeve ndaj Liverpoolit dhe Atletiko Madrid. Trajneri i skuadrës italiane, Stefano Pioli ka analizuar vigjiljen e kësaj përballje shumë të rëndësishme për kuqezinjtë.
Ndeshja ndaj Portos – “Do të jetë një ndeshje sa taktike po aq dhe fizike. Do të kemi përballë një kundërshtar solid me një trajner me një skuadër të përgatitur.”
Milani ndaj Portos – “Çdo ndeshje ka rëndësinë e saj. Çdo ndeshje ka përgatitjen e saj dhe kundërshtarët ndryshojnë. E kemi studiuar Porton, shpresojmë që këto përgatitje të jenë aq të suksesshme.”
Ibrahimoviç – “Ndihet më mirë , por nuk është në gjendjen më të mirë për të luajtur si titullar.”
Porto – “Është një skuadër e kompletuar, kompakte në të gjitha repartet. Lojtari i tyre Dias më ka impresionuar me kualitetin dhe shpejtësinë e tij , është një lojtar që do të duhet të marrë në konsideratë nga faza jonë difensive.”
Milani në Champions – “Do të duhet që të jemi gjithmonë të përqendruar dhe efikas në çdo situatë. Kujdesi duhet të jetë maksimal kur kemi topin ne në qarkullim për vetë faktin e dinamikës dhe të rrezikshmërisë, po ashtu edhe në fazën difensive. I kemi humbur të dyja ndeshjet e para, për shkak të këtyre faktorëve.”, përfundoi Pioli.
