Pistoletë dhe drogë me vete, arrestohet 41-vjeçari në Pogradec

Një 41-vjeçar ka rënë në prangat e policisë së Pogradecit, pasi akuzohet për veprën penale ‘Prodhim dhe shitje e narkotikëve. Gjithashtu është proceduar penalisht edhe 31-vjeçari M.Z.

Mësohet se, shërbimet e policisë gjatë kontrollit fizik të ushtruar E. Y., iu gjet një sasi e vogël me lëndë të dyshuar narkotike heroinë, ndërsa M . Z., iu gjet 1 pistoletë sportive dhe 1 dozë me lëndë të dyshuar kanabis, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme.