Pistoletën në brez dhe do vriste ish-bashkëshorten, zbulohet e shkuara kriminale e 34-vjeçarit (Emri+Video)

Policia ditën e sotme ka parandaluar një ngjarje kriminale ku 34-vjeçari Kleo Hysi, theu arrestin me burg për t’i marrë jetën ish-bashkëshortes.

Ai ishte nisur nga fshati Kalivaç i Tepelenës për të ekzekutuar me armë ish-bashkëshorten e tij me iniciale F.Ç. dhe bashkëjetuesin e saj Isuf Jaçaj.

Më pas, 34-vjeçari u vu në pranga dhe gjatë  kontrollit fizik, policia i gjeti dhe i sekuestroi në cilësinë e provës materiale, një armë zjarri pistoletë me fishekë në fole, gati për qitje.

Po gjatë këtij operacioni, u arrestua edhe bashkëjetuesi i gruas,  I. J., 55 vjeç, pasi gjatë kontrollit fizik, iu gjet dhe iu sekuestrua një përforcues grushti.

Mir5ëpo detaje të reja janë zbardhur nga e kaluara e Hysit, teksa mësohet se ka një të shkuar kriminale. Në vitin 2020 ai kishte realizuar grabitjen e një të moshuari, ngjarje për të cilën Hysi edhe u arrestua nën akuzën e “vjedhjes me dhunë në bashkëpunim”.

Asokohe, ai pasi ka dhunuar 91-vjeçarin Dhimitër Papa, i ka vjedhur atij 20 mijë lekë të reja dhe një armë gjahu “Baikal” ruse, me kalibër 12 mm.

Ndërkohë, ende nuk ka detaje për mënyrën sesi Hysi është liruar nga burgu në një kohë kaq të shkurtër nën masën “arrest në shtëpi”.