Amir Rrahmani është përfshirë në formacionin më të mirë të Seria A, duke vazhduar kështu me suksesin e padiskutueshëm të lojtarëve shqiptarë që aktivizohen në klubet europiane.
Napoli bëri poker golash dhe mundi Udinesen me rezultatin 0-4 në transfertë, duke marrë kështu kreun e tabelës së elitës së futbollit italian e vetme.
Rrahmani ishte një nga realizuesit e katër golave të Napolit në minutën e 35-të të lojës, duke shënuar të dytin gol për ekipin e tij.
Paraqitja e tij në këtë ndeshje është vlerësuar nga mediat italiane shumë lart me notën 8.3, ndërsa është cilësuar si një nga 11 lojtarët më të mirë të kësaj jave në Seria A.
Rrahmani vazhdon kështu suksesin e lojtarëve të tjerë kuqezi me Hysajn dhe Bajramin që një javë më parë morën vlerësime të larta dhe cilësohen në top formë./K.T/Gijotina.com
