Për shumë nga ne duhet një jetë e tërë për të realizuar një ëndërr, por nuk është rasti për Dean Çelaj, inovatorin shqiptar, të përfshirë në listën e revistës amerikane “Forbes” të 30 njerëzve nën 30 vjeç, që janë kaq afër realizimit të ëndrrës, për të bërë ndryshime rrënjësore, jo vetëm në komunitetin dhe shtetin ku jetojnë, por më gjerë në botën pa kufij.
Deani ka treguar të gjithë historinë e tij që nga fillimi që është lajmëruar për tu bërë pjesë e kësaj liste.
“Lajmin e mora përmes email-it. Ishte e papritur për mua. Në të thuhej: Urime, jeni pjesë e listës në kategorinë “Impakti Social”. Akademi.al nisi si një dëshirë e imja për të kontribuar për vendin tim. E nisëm pak para pandemisë, por që rezultoi e suksesshme gjatë pandemisë. Kjo platform ka mbi 500 mijë përdorues, nxënës dhe mësues nga 1300 shkolla publike në Republikën e Shqipërisë. Sipas statistikave tona 91% e gjithë nxënësve në Shqipëri e kanë shkarkuar këtë platformë.”
Nga ana tjetër, Deani vazhdon rrëfimin e tij duke thënë se për shkak të këtij projekti ka dal në universitetin e Harvardit dhe ka përfituar bursën e studimit të plotë. Ndërkohë, tregon se ka fituar shumë çmime dhe ka krijuar projekte për shkolla të ndryshme në Boston dhe Amerikë.
“Për shkak të këtij projekti, unë dola në radarin e universitetit të Harvardit, kur ata më ofruan një bursë 100% për të studiuar në universitetin e tyre, dhe pastaj një gjë solli një tjetër. Pas disa bisedave me profesorë amerikanë, platforma ime u cilësua shumë e mirë edhe për tregun amerikan. Ne kemi fituar disa çmime ndërkombëtare dhe aty filluam të krijonim projekte të tjera për shkolla në Boston dhe tani po shohim Amerikën më gjerë. Këtë vit në listën e Forbes përfshihen Mbape, futbollisti i Paris Saint-Germain, Jack Harloë, ylli amerikan i Hip-Hopit, më parë kanë qenë Rihana, Kylie Jenner, Jeff Bezos, Mark Zuckenberg etj.
Së fundmi, Deani përfshirja e tij në këtë listë është indikator për suksesin që ai mund të ket në të ardhmen, dhe gjithashtu ai tregohet modedst duke thënë se nukështë milioner por për momentin ësahtë një njeri që ka shkaktuar impakt social.
“Kjo përfshirje në listen e Forbes është një indikator për suksesin, që unë mund të kem në të ardhmen, nuk është koha për të ndaluar, por për të rendur përpara më shpejt se kurrë, me ide të reja dhe jo të kopjuara. Ky lajm më gëzon, por edhe më motivon. Nuk mund të them nëse jam milioner, por për momentin jam një njeri që kam shkaktuar një impakt social. Lajmin e mirë e ndava fillimisht me gjyshen time. Me atë isha kur lexova emailin.”
Discussion about this post