Policia e Tiranës ka arrestuar në bulevardin “Bajram Curri”, një 54-vjeçar të dënuar në Milano për pjesëmarrje në organizatë kriminale për trafikim të lëndëve narkotike.
Gjykata e Milanos e ka dënuar 54-vjeçarin Bledar Bedini alias Bledar Imami me 7 vjet burgim, për veprën penale “Importimi dhe mbajtja e substancave narkotike”, kryer në kuadër të organizatës kriminale.
Bledar Bedini alias Bledar Imami do ekstradohet drejt Italisë.
Njoftimi i policise
Si rezultat i një pune të mirorganizuar operacionale, të kryer në koordinim me homologët italianë, pas shkëmbimit të informacioneve nëpërmjet strukturave të Interpol Tiranës, me Interpol Romën, Seksioni i Kërkimit, gjatë kësaj faze të operacionit “The Wanted”, kapi dhe arrestoi me qëllim ekstradimin në Itali, shtetasin shqiptar, të shpallur në kërkim ndërkombëtar, Bledar Bedini alias Bledar Imami, 54 vjeç.
Gjykata e Milanos e ka dënuar 54-vjeçarin, me 7 vjet burgim, për veprën penale “Importimi dhe mbajtja e substancave narkotike”, kryer në kuadër të organizatës kriminale.
Interpol Tirana, në bashkëpunim me Interpol Romën, vijon procedurën për ekstradimin e këtij shtetasi, në Itali.
Discussion about this post