PJESË NGA INTERVISTIMI:
Gent Ibrahimi: Çfarë do bëni që sekreti hetimor të mbetet i tillë dhe mos të lexohet nëpër media?
Dorina Bejko: Është çështje shumë delikate. Rëndom ndodh që mediat të komunikojnë më prokurorë apo OPGJ. Duhet thënë aq informacion sa duhet për t’u njohur media me një çështje. Avokati ka të drejtë ligjore për t’u njohur me aktin, por do të marrin përsipër për të mos nxjerrë sekretin hetimor.
Gent Ibrahimi: Nuk mendoj që është në interesin avokatëve për të lincuar klientët, mendoj se e keqja vjen nga ju. Në raport me këto subjekte, çfarë lloj masash do të merrni?
Dorina Bejko: Do të nis një çështje penale, sepse sekreti hetimor është i rëndësishëm.
Gent Ibrahimi: Unë përshembull jam kurioz ta zbuloj çfarë po ndodh tani në SPAK me çështjen e fundit. Çfarë masash ka marrë kreu? Është më shumë kuriozitet sesa pyetje e mirfilltë.
