Forcat e Ndërhyrjes së Shpejtë kanë mbërritur në ambientet e Inceneratorit të Tiranës në prag të nisjes së protestës së thirrur pasditen e sotme nga Partia e Lirisë.
Sekretari Organizativ i PL, Endrit Braimllari, ka deklaruar për News 24 se protesta do të jetë paqësore, ndërsa nënvizoi se do të ketë një pjesëmarrje masive të qytetarëve.
“Protesta është paqësore. Nuk kemi ndërmend të bëjmë protestë të dhunshme. Shtimi i forcave të policisë tregon forcën e regjimit. Rama edhe vjedhjet e tij synon t’i mbrojë me FNSH. Besoj se pjesëmarrja do të jetë e jashtëzakonshme.
Pas 25 Korrikut PL ka kallëzuar çdo ditë abuzimin për Inceneratorët. Do denoncojmë abuzimin që bëhet me Ujësjellësat. Aksioni do të jetë i pandalshëm. Është protesta e parë e një turi protestash.
Vendet e krimit që na ka lënë Rilindja janë shumë më të mëdha. E kemi thënë që është protestë paqësore. Vjen nga kërkesat e qytetarëve. Në varësi të komunikimit publik, do të jetë zëri i qytetarëve, që dominon këtë protestë”, u shpreh ai.
Discussion about this post