Plagosën me thikë të miturin në Sarandë, arrestohet çifti i bashkëshortëve (EMRAT)

Policia në Sarandë ka arrestuar çiftin e bashkëshortëve të cilët akuzohen se kanë plagosur me thikë një të mitur në dorë.

Sipas Policisë, Lavdërim Brahimi, 79 vjeç, dhe Pranvera Brahimi, 73 vjeçe, dyshohet se, për motive të dobëta, kanë dëmtuar me mjet prerës (thikë) në pjesën e dorës një shtetas të mitur, si dhe nuk i janë bindur urdhrit të punonjësve të Policisë për shoqërim.

Në lidhje me këtë ngjarje, Policia ka proceduar penalisht edhe shtetasin Erjon Brahimi, 39 vjeç, djalin e çiftit të bashkëshortëve, i cili dyshohet se ka kanosur gjithashtu të miturin me mjet prerës.

Materialet procedurale i janë referuar Prokurorisë për veprime të mëtejshme ligjore.