Plagoset me thikë shqiptari në Greqi/ Detajet

Një konflikt mes dy fqinjëve shqiptarë në Greqi ka përfunduar me përdorimin e armëve të ftohta dhe plagosjen me thikë të një 43-vjeçari.

Lajmin e bëjnë të ditur mediat greke, të cilat raportojnë se ngjarja ka ndodhur mbrëmjen e djeshme në “Kala Nera”, Volos, rreth orës 20:00.

I lënduari ka marrë plagë të rënda në bark dhe bashkëshortja e tij, në gjendje paniku e ka dërguar vetë në spitalin e Volos, me makinën e saj.

Sherri mes dy fqinjëve shqiptarë ka nisur ditën e djeshme, jashtë lagjes ku jetonin dhe sipas raportimeve, shkak i mosmarrëveshjes mendohet të jetë bërë një magazinë, të cilën i plagosuri dhe autori e kanë së bashku.