Plagosi me armë një 40-vjeçar në Fier, arrestohet pas 5 muajsh autori (EMRI)

Autori i një plagosjeje me armë zjarri në Fier, është arrestuar sot nga policia, pas 5 muajsh arratie.

Bëhet fjalë për personin e identifikuar me iniciale Ushtar Stani, 59 vjeç, banues në Fier, i cili akuzohet se në datën 23.07.2021, në fshatin Ngjeqar, Roskovec, pas një konflikti për motive të dobëta ka qëlluar me armë zjarri personin e identifikuar me iniciale E. H., 40 vjeç, i cili mbeti i plagosur.

Ndalimi i këtij personi u bë pasi Gjykata e Shkallës së Parë Fier, me vendimin e datës 29.07.2021 i ka caktuar masën e sigurisë “Arrest në burg” për veprat penale “Vrasja me dashje” e mbetur në tentativë dhe “Mbajta pa leje e armëve dhe municionit luftarak”.

Materialet do t’i kalojnë Prokurorisë pranë Gjykatës së Shkallës së Parë Fier, për veprime të mëtejshme procedurale.