Prej më shumë se një viti në kërkim, policia ka bërë sot të mundur arrestimin e autorit për një plagosje me armë zjarri të ndodhur në Kavajë.
Bëhet fjalë për të arrestuarin me iniciale E. C 36 vjeç, i cili më datë 24 maj 2020, në lagjen Nr.1, Kavajë, dyshohet se ka plagosur me armë zjarri të riun e identifikuar me iniciale M. Xh, 30 vjeç.
Gjykata e Shkallës së Parë Kavajë, i ka vendosur në mungesë masën e sigurisë “Arrest në burg”, për veprat penale “Vrasje me paramendim” e mbetur në tentativë, e kryer në bashkëpunim dhe “Armëmbajtja pa leje”, me të cilat pritet të përballet.
Materialet i kaluan Prokurorisë së Rrethit Gjyqësor Kavajë, për veprime të mëtejshme.
