Plagosi me thikë 16-vjeçarin, policia arreston autorin në Durrës (EMRI)

Uniformat blu kanë vënë në pranga autorin e plagosjes me thikë të 16-vjeçarit në Durrës.

Mësohet se i arrestuari është Alesio Musai, 20 vjeç. Sherri mes të rinjve ka ndodhur për motive të dobëta, jashtë ambienteve të një gjimnazi pranë qendrës së qytetit.

Agresori ka qëlluar me thikë të miturin duke i shkaktuar plagë në trup, por fatmirësisht ndodhet në spital jashtë rrezikut për jetën.

Njoftimi i policisë:

Plagosi me mjet prerës(thikë), një 16-vjeçar, gjatë një konflikti për motive të dobëta, kapet menjëherë nga shërbimet e Policisë dhe vihet në pranga autori i dyshuar.

Rreth orës 12:55, në lagjen nr. 11, Durrës, dyshohet se gjatë një konflikti për motive të dobëta, midis shtetasit A. M., 20 vjeç dhe një 16-vjeçari, në ambientet e jashtme të një lokali, shtetasi A. M. ka plagosur me mjet prerës (thikë), 16-vjeçarin, i cili ndodhet në spital, nën kujdesin e mjekëve.

Menjëherë, shërbimet e Policisë kanë mbërritur në vendngjarje dhe kanë shoqëruar në Komisariat, për veprime të mëtejshme, shtetasin A. M. Vijon puna për dokumentimin e plotë të kësaj ngjarjeje.