Plagosi me thikë ish-partneren në Korçë, kapet autori (Emri)

Një ngjarje e rëndë është regjistruar në Korçë.

Një person është plagosur me thikë në afërsi të zonës së quajtur Trekëndëshi në qytet.

Ndërkohë policia ka identifikuar dhe shoqëruar autorin e ngjarjes.

Mësohet se i dyshuar është Ilia Cani i cili ishte larguar nga vendngjarja pas plagosjes.

Burime nga policia bëjnë të ditur se nga kjo ngjarje ka mbetur e plagosur ish-partnerja e autorit, Manderina Çela.

Mësohet se gruaja ndodhet në spital jashtë rrezikut për jetën. Ajo ka marrë dëmtime në mjekër.

Shkak i konfliktit mësohet të ketë qenë ndarja mes tyre, ku sipas informacioneve autori ka qenë i dënuar më parë edhe për përndjekje.

Njoftimi:

Rreth orës 10:00, në lagjen nr. 4, shtetasi I. Ç., 41 vjeç, dyshohet se ka goditur me mjet prerës thikë shtetasen M. Ç., e cila u dërgua për mjekim, në spital, dhe është jashtë rrezikut për jetën.

Autori i dyshuar, shtetasi I. Ç.(i arrestuar dhe më parë për përndjekje të kësaj shtetaseje), është kapur nga shërbimet e Policisë dhe është shoqëruar në ambientet e Komisariatit të Policisë Korçë, për veprime të mëtejshme procedurale.

Grupi hetimor po punon për sqarimin e rrethanave dhe dokumentimin ligjor të rastit.