Policia e Lezhës ka arrestuar ditën e sotme 17-vjeçarin i cili plagosi me armë zjarri një të mitur në Pukë. Ngjarja ndodhi në lokalin e babait të 11-vjeçarit një ditë më parë, ndërsa pas plagës së marrë në këmbë, (mbi gju), fëmija u nis me helikopter drejt spitalit të Tiranës.
Ngjarja e rëndë u regjistrua pasditen e djeshme në zonën e Pukës, ku rreth orës 16:30 minuta në fshatin Dom Gjon shtetasi me inicialet R.C plagosi në ambientet e lokalit një të miturin. Dyshohet se plagosja e 11-vjeçarit ka ndodhur aksidentalisht, ndërkohë që 17-vjeçari dyshohet të ketë pasur qëllim për të vrarë kushëririn e fëmijës, me të cilin ka pasur një konflikt.
Menjëherë pas ngjarjes, fëmija i mitur është transportuar me urgjencë në drejtim të Spitalit të Pukës, ku edhe ka marrë ndihmën e parë mjekësore. Pasi mori mjekim në spital, ai është transportuar me anë të një helikopteri të Ministrisë së Shëndetësisë në drejtim të Spitalit të Traumës në Tiranë, ku do t’i nënshtrohet ndërhyrjes kirurgjikale.
Discussion about this post