Policia e Vlorës vijon hetimet për zbardhjen e plagosjes së mbrëmjes së kaluar në qytet, ku u qëllua me armë zjarri një 36-vjeçar i identifikuar si Diego Hanaj.
Në vijim të informacionit paraprak për ngjarjen e ndodhur tek lagjja “Pavarësia”, policia bën me dije se në fshatin “Trevëllazër” Vlorë , në një rrugë dytësore është gjetur i djegur një automjet i markës “Audi Q7”, i cili dyshohet se është përdorur nga autorët e ngjarjes.
Grupi hetimor, nën drejtimin e Prokurorisë, po punon për dokumentimin e plotë të ngjarjes dhe grumbullimin e provave që do të çojnë në identifikimin e autorit/ve të ngjarjes.
Discussion about this post