Policia e Elbasanit ka publikuar njoftimin zyrtar në lidhje me personat e arrestuar një ditë më parë bashkë me të rrezikshmin Nuredin Dumani që u plagos në atentat.
Mësohet se bëhet fjalë për mjekët Juljan Malaj, 43 vjeç, banues në Fier, Ermal Gjeçi 36 vjeç, banues në Fier, infermieri Bledi Bërdalli, 41 vjeç, banues në Fier, Henrik Hoxhaj, 40 vjeç, banues në Fier, për veprat penale “Vrasja me paramendim”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.
Mes të arrestuarve është edhe e dashura e Dumanit, M. H., 20 vjeçe, banuese në Kosovë, identiteti i të cilës nuk është zbardhur ende, por që akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Përkrahja e autorit të krimit”.
Ka shkuar në 6 numri i të arrestuarve dhe në 12 i të shoqëruarve në polici pas ngjarjes kriminale që u regjistrua në orët e vona të pasdites së të martës në aksin e rrugës Elbasan-Cërrik në vendin e quajtur “Ura e Zezë” në Papër, ngjarje pas të cilës rezultoi i plagosur i shumë kërkuari Nuredin Dumani.
Discussion about this post