Policia me anë të një deklarate për mediat ka dhënë detaje për plagosjen e rëndë me thikë të ndodhur këtë mbrëmje në Shëngjin.
Sipas bluve, sherri me thika ka ndodhur mes një 66-vjeçari dhe një 59-vjeçari. Policia ka arrestuar autorin e dyshuar të ngjarjes, ndërsa u konfiskua edhe arma e krimit.
“Rreth orës 21:00, në Shëngjin, pas një konflikti të çastit, shtetasi kosovar H. B. 66 vjeç, ka plagosur me thikë shtetasin S. B. 59 vjeç, banues po në Kosovë. I dëmtuari është dërguar në Spitalin Rajonal Lezhë, për tju nënshtruar ndërhyrjes kirurgjikale.
Falë veprimeve të shpejta hetimore operacionale, nga shërbimet e Komisariatit të Policisë Lezhë u bë e mundur kapja dhe arrestimi i 66-vjeçarit, si autor i dyshuar si dhe sekuestrimi në cilësinë e provës materiale i armës së ftohtë ( thikës) e dyshuar e përdorur nga autori. Vijojnë veprimet hetimore nga grupi hetimor për zbardhjen e plotë të rrethanave të ngjarjes dhe dokumentimin ligjor të saj”, thuhet në njoftimin e policisë.
Discussion about this post