Edison Elezaj, 32 vjeç, është shpallur në kërkim si autori i plagosjes së trefishtë të ndodhur orët e para të mëngjesit në kryeqytet.
Edison Elezaj është djali i biznesmenit Hajri Elezaj, i cili ka themeluar kompaninë “Lajthiza Invest” (që tregton ujin “Lajthiza”). Firma që në Qershor 2020 ka përfituar statusin e “investitorit stratergjik” për projektin e “Kompleks Turizës Rural Lajthiza” në Fushë Arrëz, tashmë zotërohet nga bashkëshortja e Hajri Elezajt, Hajri Elezaj.
Ky i fundit, në vitin 2013, është dënuar me 6 muaj burg nga Gjykata e Tiranës për akuzën e “Falsifikimit të dokumenteve”. Hetimet e prokurorisë, referuar raportimeve mediatike të kohës, zbuluan se kompania “Eurolil” e zotëruar nga Hajri Elezaj akuzohet se ka mashtruar për tregtimin e 200 ton naftë virgin, duke pretenduar se e kishte eksportuar jashtë vendit. Por, sipas hetimeve, nafta përfundoi duke u shitur në pika karburanti. Vetëm nga rimbursimi i TVSH-së duke deklaruar te autoritetet se sasia e naftës ishte eksportuar, prokuroria përllogariti se biznesmeni arriti të përfitonte rreth 1.2 milion euro.
Firma “Lajthiza Invest” rezulton dhe përfituese e parave publike në procedura tenderuese të dyshimta.
Disa muaj më parë, “Lajthiza” është denoncuar në media nga banorët e Mirditës se në kundërshtim me vendimet e gjykatës, po tenton zaptimin e burimeve në fshatrat Thirrë, Sang dhe Hebë, për të ndërtuar fabrikë uji dhe hidrocentral.
Në vitin 2019, në media u raportua se dy djemtë e biznesmenit Hajri Elezaj u përfshinë në një konflikt me vëllanë e ish-ministrit të Drejtësisë Arben Isarajt – ngjarje gjatë së cilës u raportua se u qëllua dhe me armë zjarri në ajër.
Plagosja në Tiranë
Tre persona mbetën të plagosur orët e para të mëngjesit në kryeqytet, dy prej të cilëve kanë lënë spitalin pas mjekimit, ndërsa një tjetër ndodhet ende nën kujdesin e bluzave të bardha.
Sipas policisë, ngjarja ndodhi në një lokal në “Rrugën e Kavajës” gjatë një feste familjare.
Në një deklaratë për mediat, blutë thanë fillimisht se: Rreth orës 01:35, brenda lokalit, dyshohet se Edison Elezaj ka bërë një shkrepje të pavullnetshme të një arme që mbante pa leje duke plagosur tre persona: E.P., 36 vjeçe, A.P., 36 vjeç, dhe D.P., 34 vjeç.
Dy të fundit kanë lënë spitalin pas mjekimit, ndërsa 36-vjeçarja ndodhet në spital, nën kujdesin e mjekëve. Gjendja e saj është jashtë rrezikut për jetën, saktësoi policia.
Ndërsa në një njoftim të dytë, policia e Tiranës tha se plagosja ka qenë me dashje dhe ka ngritur ndaj 32-vjeçarit akuzën për veprën penale “Plagosja e rëndë me dashje”.
Lexo edhe:
Plagosja e trefishte në Tiranë, si u ndihmua djali i biznesmenit/ Ndryshon akuza
Discussion about this post