Është arrestuar autori i plagosjes me thikë e Besmir Ukës në Sarandë, ngjarje e ndodhur tre ditë më parë. Policia bën me dije se është vënë në pranga Ermir Shabanaj 37- vjeç.
Shabanaj ka plagosur me thikë Besmir Ukën në lagjen nr. 3, Sarandë, gjatë një konflikti për motive të dobëta, ndërsa ky i fundit ndodhet në spital, ku po merr trajtimin mjekësor.
Po ashtu në pranga ka rënë edhe bashkëpunëtori i kësaj ngjarjeje, personi i identifikuar me iniciale E. M., 42 vjeç, banues në Selenicë, Vlorë, pasi dyshohet se ka ndihmuar Ermir Shabanaj për t’u fshehur, pas ngjarjes, si dhe dyshohet se po përgatiste kushtet dhe mjetet për t’a larguar atë nga qyteti i Sarandës.
Nuk dihen ende motivet e ngjarjes ndërsa policia pritët të zbardhë detaje pas marrjes në pyetje të të arrestuarve. Materialet iu referuan Prokurorisë pranë Gjykatës së Rrethit Gjyqësor Sarandë, për veprime të mëtejshme.
Si ndodhi ngjarja?
Ngjarja ndodhi orët e para të mëngjesit të së premtes pak orë pas mesnatës. Pas përleshjes, Uka ka shkuar vetë në spitalin e Sarandës me plagë në bark.
Ai nuk është një emër i panjohur për drejtësinë shqiptare pasi ka qenë më parë i dënuar për “vrasje ne kushtet e vetëmbrojtjes” për një ngjarje të ndodhur në vitin 2010, madje gjatë kohës që ndodhej në burg është proceduar penalisht pasi është denoncuar nga një 16 vjeçare se e kërcënonte përmes mesazheve në Facebook.
Discussion about this post