I mbijeturai i ngjarjes në Elbasan ku u vra një person dhe një tjetër u plagos me thikë, ka mohuar akuzat e vajzës 14-vjeçare se është shfrytëzuar për prostitucion dhe trafik droge.
Mikel Kovaçi ka deklaruar nga ambientet e spitalit, ku po merr mjekimet, se vëllain e të miturës nuk e njihte më parë, ndërsa ka treguar se nuk kishte pasur marrëdhënie intime me të.
“Nuk është e vërtetë që kam shpërndarë lëndë narkotike. S’e di ça ka thënë vajza, mbase nga frika për të shpëtuar vëllain e vetë. Jo s’e kam shfrytëzuar, jo! Nuk bëhet fjalë. Nuk është e vërtetë. Unë s’e dija që lidhja ime me të ishte problem për familjen. E takova te zona e quajtur ‘sporti”, ka treguar ai.
Ai ka treguar më tej momentin kur ëshët qëlluar me thikë nga vëllai i të miturës, ndërsa shtoi se me familjen e vajzës kishte marrëdhënie të mira.
“Isha 10 minuta, po bënim muhabet shoqëror. Aty vjen i vëllai i asaj. Ai nuk foli fare, dhe më gjuajti direkt. Nuk pashë më gjë mbrapa. Ma tha babai vdekjen e vëllait. Lidhja më kushtoi shumë, normale. Flisja me nënën e saj, shkoja mirë, nuk kisha probleme”, ka deklaruar ai.
19-vjeçari ndër të tjera ka treguar se nuk e njihte personalisht vëllain e saj, ndërsa babain e kishte në burg dhe me vajzën takoheshin gjithmonë në kafe.
Discussion about this post