Isak Mehmedaj, 24-vjeçari i cili është plagosur me armë zjarri mëngjesin e sotëm.
Ngjarja u regjistrua në fshatin Mushan të Shkodrës, ku bëhet me dije se 24-vjeçari ka qenë duke hedhur mbeturinat, kur është qëlluar me armë nga një distancë e largët.
Mehmedaj u gjet i plagosur nga një banor i zonës që e dërgoi më pas në spital. 24-vjeçari ka marrë plagë në barkë dhe ndodhet jashtë rreziku për jetën, ndërsa në dëshminë e tij në spital, ai ka deklaruar se nuk e di kush mund ta ketë qëlluar pasi nuk ka mundur ta shohë autorin.
Në vendin ku ka ndodhur plagosja nuk ka kamera sigurie që të ndihmojnë uniformat blu të identifikojnë autorin apo autorët e kësaj plagosje. NDërsa, pista mbi të cilën po hetohet është ajo e hakëmarrjes.
