Policia e Shkodrës ka arrestuar një 27-vjeçar që dyshohet të jetë autori i një plagosjeje me armë zjarri. Sipas njoftimit, në pranga është vënë personi me iniciale E. L., 27 vjeç, banues në lagjen “Partizani”.
Mësohet se, Gjykata e Shkallës së Parë Shkodër i ka caktuar më 23 mars të këtij viti masën e sigurimit personal në mungesë “Arrest në burg” për veprat penale “Vrasja me paramendim” e mbetur në tentativë dhe “Armëmbajtja pa leje”.
Dyshohet se 27-vjeçari është autor i plagosjes së M.F., më 21 mars në lagjen “Mark Lula”, Shkodër. Materialet iu referuan Prokurorisë pranë Gjykatës së Shkallës së Parë Shkodër, për veprime të mëtejshme.
Discussion about this post