Romeo dhe Donald Veshaj, që prej disa javësh kanë marrë vëmendjen e rrjetit dhe janë përfolur se kanë probleme me drejtësinë që nga viti 2013. Mediat raportonin se bëhej fjalë për një sherr që ka ndodhur kur ata ishin në gjimnaz, ku kanë plagosur me mjete të forta shtetasin me inicialet A.L.
Ngjarja është rikthyer në vëmendje pasi thuhej se Prokuroria kërkonte rishqyrtimin e vendimit që ka të lirë vëllezërit Veshaj. Mes të tjerash, u përfol se arsyeja e zënkës kishte qenë një vajzë. Për këtë, vëllezërit e famshëm kanë folur për herë të parë publikisht.
Ata treguan se si qëndron e vërteta gjatë emisionit të tyre “Më lër të flas”. Teksa reperi Gjiko po fliste për akuzat që kanë qarkulluar ndaj tij, se ka abuzuar seksualisht ndaj një vajze 15 vjeçare, Romeo dhe Donaldi theksuan se vetë ata janë përballur me lajme të pavërteta.
“Dhe unë dhe Donaldi kaluam një situatë të ngjashme për një situatë që kishte vite që kishte ndodhur. Disa nuk më duken si gazetarë por si skenaristë dhe regjisorë që e formojnë historinë e jetës tënde siç duan ata dhe jo se si është realisht. Për mua dhe Romeon thuhej se ka një seancë gjyqi për të pandehurin ndërkohë që ajo ishte një seancë këshillimi. Ne nuk kemi dashur as të dalim me deklarata dhe të themi shiko se kjo nuk është e vërtetë. Në fund të fundit, portalet duan vëmendje.”
Discussion about this post