Gruaja e ish-efektivit Erjon Goxhara tenton vetëvrasjen duke konsumuar fostoksinë. Bëhet me dije se bashkëshotja e Goxharës është dërguar me urgjencë në spital.
Ngjarja ka ndodhur mesditën e 19 gushtit, ku efektivi Erjon Goxhara qëlloi me 6 plumba inxhinierin e ERE, Lorenc Kostën te zona e ‘Komunës së Parisit’ në kryeqytet pas dyshimeve për tradhtinë e gruas.
Ish-efektivi u vetëdorëzua 2 ditë pas krimit teksa ishte shpallur në kërkim. Pas dorëzimit, Goxhara shprehu pendesë për veprimin e tij.
Gjykata e Tiranës ka caktuar masën e sigurisë “arrest me burg” për Erjon Goxharën, efektivin që plagosi me armë zjarri drejtorin e Entit Rregullator të Energjisë, Lorenc Kostën.
46-vjeçari u shfaq para togave të zeza kokulur ku dhe u njoh me masën e sigurisë. Ai akuzohet për “vrasje me paramendim të mbetur në tentativë” dhe “armëmbajte pa leje”. Për këtë të dytën deri në momentin që do të provohet nëse arma e përdorur është e shërbimit ose jo.
Burime për mediat bëjnë me dije se gjatë seancës avokatët e 46-vjeçarit kërkuan për klientin e tyre masë më të butë sigurie me argumentin e tronditjes së rëndë psiqike.
Gjithashtu, avokatët kërkuan që Goxharës t’i bëhet ekspertiza e gjendjes psiqike, kërkesë e cila u pranua nga togat e zeza.
gijotina.com/
Discussion about this post