Një 17-vjeçar u arrestua nga policia e Tiranës pasi dyshohet se ka plagosur me thikë një 20-vjeçar. Ngjarja ka ndodhur në Tiranë, në rrugën “Shefqet Musaraj”, ku pas një sherri për motive të dobëta, 17-vjeçari ka goditur me thikë shtetasin A.B, 20 vjeç.
“Specialistët për Hetimin e Krimeve të Komisariatit të Policisë Nr. 2 arrestuan një të mitur 17-vjeçar, banues në Tiranë.
17-vjeçari ditën e sotme, rreth orës 14:30, në rrugën “Shefqet Musaraj”, për motive të dobëta është konfliktuar dhe dyshohet ka goditur me mjet prerës shtetasin A. B., 20 vjeç, banues në Tiranë.
Si pasojë shtetasi A. B., është dëmtuar dhe ndodhet në spital, nën kujdesin e mjekëve.
Materialet i kaluan Prokurorisë, për veprime të mëtejshme procedurale”, njoftoi policia.
Discussion about this post