Arrestohen në 3 shtetas dhe procedohen penalisht 3 të tjerë, për vepra të ndryshme penale.
Specialistët për Hetimin e Narkotikëve kanë arrestuar në flagrancë shtetasin me inicialet M. Sh., 41 vjeç, banues në Tiranë, për veprat penale “Prodhimi dhe shitja e narkotikëve” dhe “Përshtatja e lokalit për përdorim droge”, si dhe kanë proceduar penalisht shtetasin J. H., 25 vjeç, banues në Tiranë, për moskallëzim krimi.
Personi M. Sh., i cili e kishte përshtatur lokalin për përdorim droge, Policia i ka gjetur dhe sekuestruar një sasi lënde të dyshuar narkotike të llojit cannabis sativa. Në vijim të veprimeve u procedua penalisht në gjendje të lirë shtetasi J. H., pasi nuk ka kallëzuar krimin.
Gjithashtu Specialistët për Hetimin e Krimit Ekonomik kanë bërë kapjen dhe ndalimin e shtetasit i cili ishte në kërkim me inicialet E. K., 30 vjeç, banues në Tiranë, sepse me anë të mashtrimit ka përvetësuar shuma parash nga 800-1000 euro, nga persona të ndryshëm.
Ndërkohë në Komisariatin e Policisë Nr. 2 po punohet për kapjen e shtetasit me inicialet E. K., 39 vjeç, banues në Tiranë, pasi për motive të dobëta, ka goditur me mjet prerës shtetasit me inicialet G. X., 23 vjeç, E. Sh., 22 vjeç dhe K. M., 23 vjeç, të cilët janë jashtë rrezikut për jetën.
Discussion about this post