Vendi ynë do të mbetet nën mbizotërimin e vranësirave dhe shirave në pjesën më të madhe të territorit edhe përgjatë fundjavës, sipas sinoptikanëve.
“Parashikohet që vranësirat të mbeten prezente dhe të shtunën edhe të dielën. Rikthehen reshjet e dëborës në zonat veriore dhe verilindore, ndonëse në sasi të pakta përgjatë të shtunës dhe të dielës për shkak se do të ketë dhe rënie të temperaturave të ajrit. Megjithatë, reshjet që ne kemi të shtunën dhe të dielën, sidomos veriu dhe qendra do të jenë me intensitet të ulët. Pritet që të ketë rrebeshe të herë pas hershme vetëm në jug të vendit”, shprehet Lajda Porja.
Edhe temperaturat, veçanërisht të shtunën, do të kenë një rënie të lehtë, ndërsa e java e ardhshme pritet të sjellë rritje të tyre.
“E shtuna do të sjellë rënie. Parashikohet që vlerat minimale të zbresin 2 gradë në zonat malore, flasim për qytetet dhe zona të thella shkojnë dhe 0 apo -1. Maksimalet përgjatë të shtunës do të jenë rreth vlerës 18 gradë, e diela dhe në vijim, pra që nga e diela dhe fillimi i javës tjetër do të fillojë të rrisë temperaturat nga dita në ditë dhe parashikohet që të dielën të ngjitet në 21 gradë”, tha Porja.
Muaji Mars pritet të mbyllet me mot të paqëndrueshëm sipas sinoptikanëve.
Discussion about this post