Zyrtarët e Bashkimit Europian dhe Shteteve të Bashkuara të Amerikës pritet të vizitojnë Beogradin. Bëhet fjalë për përfaqësuesin e posaçëm të BE për dialogun Kosovë- Serbi, Miroslav Lajçak dhe ai i SHBA për Ballkanin Perëndimor, Gabriel Eskobar. Takimi në fjalë u paralajmërua dhe më herët nga presidenti serb, Aleksandar Vuçiç. Ata do të jenë të shoqeruar nga të dërguarit e presidentit francez dhe kancelarit gjerman, Emmanuel Bonne dhe Jens Plotner, teksa vizita do të zhvillohet menjëherë pas 7 janarit kur besimtarët ortodoksë kanë festën e ujit të bekuar.
Duke cituar burime zyrtare, “NOVOSTI”, raporton se arsyeja kryesore e vizitës lidhet me propozimin franko-gjerman. Referuar kësaj media, zyrtarët ndërkombëtarë do të përpiqen të bindin udhëheqësit serbë të fillojnë dialogun në bazë të këtij propozimi për normalizim të plotë të marrëdhënieve.
Vizita vjen para përvjetorit të fillimit të luftës në Ukrainë, më 24 shkurt, teksa sipas analistëve paraqet një afat joformal kur Prishtina dhe Beogradi duhet të pajtohen për propozimin franko-gjerman.
Edhe kryeministri albin Kurti, pati paralajmëruar më herët se do të ketë nisma të reja për të përgatitur takime në Bruksel. Presidenti serb, Aleksandër Vuçiç pritet të mbajë një fjalim pasditen e së mërkurës, ku do ti drejtohet qytetarëve.
Discussion about this post