Sherr në Krujë, katër vëllezërit sulmojnë pronarët e një dyqani

Policia ka shpallur në kërkim disa persona në Krujë. Ata kanë qëlluar me armë në ajër rreth orës 11:55 minuta.

Mësohet se ka pasur edhe një konflikt mes disa shtetasve, ku për pasojë dy persona janë dëmtuar nga përdorimi i armëve të ftohta.

Raportohet se në sherr janë përfshirë anëtarët e dy familjeve. Ngjarja ka ndodhur në një dyqan lulesh. Vëllezërit Rryçi dhe Gjoka janë përfshirë në këtë sherr të ndodhur sot në Krujë.

“Krujë/Informacion paraprak

Më datë 19.06.2023, rreth orës 19:55, në një dyqan lulesh në pronësi të shtetasve D. Gj., dhe K. Gj., (vëllezër), ka ndodhur një konflikt me sende të forta mes këtyre shtetasve dhe shtetasve R. Rr., B. Rr., B. Rr., dhe A. Rr., (vëllezër), të cilët gjatë konfliktit dyshohet se kanë qëlluar në ajër me armë zjarri, e më pas janë larguar.

Si pasojë (nga përdorimi i sendeve të forta) janë dëmtuar shtetasit D. Gj.,  dhe K. Gj.

Shërbimet e Policisë po krehin zonën me qëllim kapjen e autorëve të dyshuar.

Grupi hetimor po punon për sqarimin e rrethanave të konfliktit”, njofton policia.