Plas keq sherri në Sarandë, 43-vjeçari goditet me thikë pas shpine

Një sherr ka ndodhur paraditen e sotme në Sarandë. Burime nga policia bëjnë me dije se ngjarja ka ndodhur në shëtitoren e Sarandës.

Të njëjtat burime bëjnë me dije se gjatë një konflikti për motive të dobëta personi i identifikuar me iniciale G. G., ka goditur me mjet prerës në kurriz personin e identifikuar me iniciale K. K., 43 vjeç, i cili ka marrë mjekim në spitalin e Sarandës, jashtë rrezikut për jetën.

Nuk dihen ende motivet e sherrit të dhunshëm, ndërsa pritet të zbardhen detaje pas marrjes ën pyetje të të plagosurit.

Grupi hetimor ndodhet në vendngjarje dhe po punon për zbardhjen e rrethanave të ngjarjes.