Janë rikthyer ngjarjet skandaloze në fushën e blertë në Shqipëri, ndërsa këtë të shtunë në Kategorinë e Dytë ka plasur sherri.
Teksa ishin duke u zhvilluar takimet për javën e gjashtë të grupit A në Shënkoll ka nisur një përplasje mes lojtarëve që ka përfunduar me shoqërimin e tyre në komisariat.
Vendasit ishin duke luajtur me Orikun dhe ndeshja ishte drejt fundit në momentin kur një karton i kuq për Kaçorrin te Shënkolli ka bërë që e gjitha të degjeneronte në dhunë.
Lojtarët e më pas edhe stafet teknike që u futën në fushë janë zënë, duke bërë që arbitri më pas të fërshëllente mbylljen e takimit në minutën e 83-ë, me rezultatin 0-1.
Në dalje të stadiumit ata u pritën nga forcat e rendit dhe u shoqëruan për në komisariatin e Lezhës për t’u marrë në pyetje për këtë ngjarje./K.T/Gijotina.com
