Vetëm pak minuta pasi ka filluar mbledhja, ka plasur sherri mes mazhoranës dhe opozitës në Komisionin Hetimor për zgjedhjet e 25 prillit. Shkak për këtë ka qenë se anëtarët nga pala socialiste kanë kërkuar shtyrjen e komisionit dhe kjo nuk është pritur aspak mirë nga anëtarët e PD, të cilët kanë kërkuar me ngulm ngritjen e këtij komisioni. Deputeti Enkelejd Alibeaj tha se, socialistët janë të frikësuar nga ecja përpara e këtij komisioni, prandaj edhe nxjerrin pretekste të ndryshme.
Nga ana tjetër deputeti, Ervin Salianji, ka reaguar në tone edhe më të ashpra. Sipas tij, socialistët akoma kërkojnë të mbulojnë krimet zgjedhore duke shtyrë dhe zvarritur këtë komision. Madje ai iu drejtuar atyre duke iu thënë se socialistët janë mësuar të vjedhin dhe këtë kërkojnë të bëjnë sërish.
“Keni një sjellje agresive të pa kuptueshëm, nuk mbulohet krimin zgjedhore me shtyrjen te punimeve te këtij komisioni. Mos më bëj mua gangsterin. Nuk mbulohet manipulimi i zgjedhjeve me procedurë. Ju e keni zanat vjedhjen”, tha Ervin Salianji.
Ndërkohë më përfundim, mbledhja e radhës është caktuar më 20 tetor , për të sjellë paraprakisht ndryshimet në rregullore.
