Një hetim policor ka nisur në Norvegji pas një akuze për sulm seksual dhe ‘orgjie në stadium që përfshinte shtatë gra dhe 12 lojtarë’.
Kampionët tre herë të Norvegjisë janë tronditur nga nisja e këtij hetimi, i cili pretendon se gjatë ndeshjes midis SK Brann dhe Valerenga të mbajtur më 18 tetor 2009 në stadiumin Brann, në Bergen, Norvegji ka ndodhur një ngjarje e tillë skandaloze.
Një futbollist i paidentifikuar është akuzuar për sulm seksual, ndërsa ai thuhet se e ka mohuar ngjarjen në fjalë gjatë marrjes në pyetje nga autoritetet.
Megjithatë duket se kamerat e sigurisë të vendosura në dhomat e zhveshjes kanë filmuar incidentin.
Klubi mbi lojtarët e të cilit rëndojnë këto akuza është SK Brann, me trajnerin Erik Horneland që e përshkruan këtë ngjarje si “të neveritshme” dhe i cili ka shprehur zhgënjimin e tij ndaj personave të përfshirë.
Faqja lokale e lajmeve ‘Bergens Tidende’ raporton se lojtari që po hetohet për sulm seksual mohon akuzat, por thotë se policia ende po i trajton ata si të dyshuar.
Ndërkohë, pas këtij skandali klubi ka vendosur kufizime për kohën që lojtarët do të kalojnë në stadium.
‘Ne do të kufizojmë sa kohë lojtarët kanë qasje në stadium në mbrëmje dhe do të bëjnë ndryshime në kodin e alarmit. Ne jemi gjithashtu të vetëdijshëm se ka zëra për përdorimin e drogave të paligjshme, kështu që ne do të bëjmë teste të të dy zonave të stadiumit dhe lojtarëve. Ne duhet të theksojmë se këto janë vetëm thashetheme, por ne e bëjmë atë për të pastruar fjalët.”-thuhet në reagimin e fundit të kampionëve të Norvegjisë./Gijotina.com
