Situata te klubi i Partizanit rëndohet çdo ditë e më shumë, e sidomos pas humbjes së derbit ndaj Tiranës me rezultatin 1-0 në javën e gjashtë të Superligës, ku vinin pas pesë takimeve pa asnjë fitore.
Lojtarët mësohet nga brenda klubit ‘Të kuq’ të kryeqytetit se janë të pakënaqur me trajnerin Ilir Daja dhe kjo shihet si shkak kryesor i gjendjes së tillë, por edhe gjithmonë e më të tensionuar te ‘Demat’.
Së fundmi duket se trajneri është përplasur me një prej lojtarëve të tij, më saktë me Kristi Koten. Mesfushori i ka thënë teknikut: “Sa keq është kur respektin ta marrin për dobësi”.
Teksa ky i fundit ka kërkuar largimin e tij nga stërvitja dhe ka thënë se si ai ka treçerekun e skuadrës, pra duke lënë të kuptohej se jo të mirë. “Lojtar ky, lojtar si ky kam treçerekun këtu”,-mësohet të jetë shprehur Daja.
Tensioni i humbjes së derbit vazhdon të jetë prezent te Partizani edhe pse të dielën n orën 16:45 do duhet të përballet me Egnatian në ‘Air Albania’ për raundin e shtatë të Superligës./K.T/Gijotina.com
