Plas tek Rithemelimi, Kokalari-Këlliçit: Je njeri pa karakter dhe integritet!

Në një postim në “Facebook”, mbështetësja e kreut të PD, Sali Berisha, Evi Kokalari, shpërthen me akuza të forta ndaj Belind Këlliçit. Ajo i drejtohet ashpër Këlliçit, duke i thënë “turp të të vijë që orientove votat për Kryesinë e PD”. Kokalari paralajmëron se “Do flas me emra, mbiemra dhe fakte!!”, ndërsa shton se është gati të flas në detaje nëse kandidaturat dhe votat e të premtes manipulohen apo orientohen.

“Nuk dua të dëgjoj më që Belind Kelliçi dhe Fatbardha Kadiu kanë qenë më të votuarit në Kryesi. Dhe hipokrizinë e Belindit kur thotë se është i prekur nga kjo dashamirësi në votim, kur e di fare mirë si e arriti, bën mirë ta përdorë për ata që e rrethojnë dhe jo për njerëzit me IQ të konsiderueshme.
Turp ti vij Belindit dhe shokëve të tij të ngushtë që nxorën anëtarë të Këshillit dhe anëtarë të Forumit Rinor të lobojnë për të dhe për Fatbardha Kadiun në 22 Maj. Nuk është aspak etike që një anëtarë i Këshillit të loboj për miqtë e tij kundër anëtarëve të tjerë. Ky quhet orientim vote dhe është një lloj manipulimi i vullnetit të lirë. Ky akt duhet të ndëshkohet nga Komisioni i etikës nëse PD do këtë një.
Turp edhe për ata që nisën një list lobimi për Kryesi në mëngjesin e 22 Majit, duke lënë jashtë deputet dhe njerëz që vërtet i janë gjendur Sali Berishës pranë që ditën e parë dhe që doktori i kishte dhënë një shans të barabartë për Kryesi, ashtu siç dhe e meritonin” – shkruan Kokalari.

Më taj ajo akuzon Këlliçin se janë të shantazhueshëm po aq sa ishin me Bashën.

“Ju jeni po aq të shantazhueshëm sa ishit me Lulzim Bashën, dhe helbete ju jeni të fundit që ju bashkuat karvanit të Berishës. Ja, ky është karakteri, integriteti dhe hipokrizia juaj. Kam katër javë që bëj luftë pikërisht për të mbrojtur votën e 22 Majit dhe të 3 Qershorit, dhe nuk do t’ju lë ti merrni votë individëve si Oerd Bylykbashi, Agron Shehaj dhe disa të tjerëve nëse ata kandidojnë këtë të Premte. Këta e kanë treguar integritetin dhe kapacitetin e tyre dhe kanë aq dinjitet që mos ngelen krijesa të lobimeve.
Jam gati të flas në detaje nëse kandidaturat dhe votat e të Premtes manipulohen/orientohen.
Do flas me emra, mbiemra dhe fakte!” – shkruan Kokalari.