Reperi Don Phenom ka reaguar në lidhje me sherrin e madh që ndodhi mbrëmë në koncertin e tij. Gjatë një video live ai ka pranuar se gjatë koncertit të tij në Tiranë ka pasur disa probleme. Por, më tutje ka bërë të ditur se nuk është i përfshirë në asnjë përplasje me armë. Duke qetësuar të gjithë personat dhe ndjekësit e tij se është mirë, Don Phenom pranon se në club ndodhën disa probleme mirëpo jo me të.
“Ka ndodh disa probleme, asnjë gjë nuk më ka ndodhur mua. Nuk kam asnjë problem, nuk e di çfarë ka ndodhur në koncert, pasi e kam mbyll unë koncertin kanë ndodhë disa koncerte. Unë kam ikur në shtëpi, gjithçka është në rregull. Marini s’ka asnjë problem. Unë këndova, aty ishin full goca, pastaj ika në shtëpi. Më thonë ca ka ndodh o kusho, unë s’kam asnjë problem me asnjë” thotë Don Phenom.
Kujtojmë se nga përplasje e mbrëmshme ka mbetur i plagosur një person, ndërsa policia ka shoqëruar me dhjetëra persona për t’i marrë në pyetje.
Discussion about this post