Bandat në Suedi, të cilat janë përfshirë gjithnjë e më shumë në pastrimin e parave në vitet e fundit, po përdorin platformën Spotify për të pastruar paratë e pista, të paktën kjo është ajo që këtë të martë u bë e ditur nga një gazetë suedeze.
Këto rrjete kriminale paguajnë për krijimin e ‘rrymave të rreme’, pra procese që lejojnë rritjen artificiale të numrit të audicioneve të artistëve me lidhje me bandat.
Këto transmetime të rreme gjenerojnë të ardhura, të cilat platforma ua paguan përfituesve, duke lejuar kështu bandat të pastrojnë paratë e tyre.
Gazeta thotë se ajo bazohet në deklaratat e katër anëtarëve të bandave të ndryshme në Stokholm dhe informacione nga një hetues i policisë suedeze.
“Mund të them me 100% garanci se kjo do të vazhdojë. Unë vetë kam qenë i përfshirë”, në këtë manipulim, thotë një prej atyre anëtarëve për gazetën.
“Ne kemi paguar njerëz që ta bëjnë këtë për ne në mënyrë sistematike”. Siç deklaroi ai, bandat i konvertojnë paratë e tyre të pista në kriptovaluta që përdoren për të paguar njerëzit që krijojnë transmetime të rreme.
Hetuesi i policisë i cituar nga gazeta thotë se ai kontaktoi Spotify për këtë çështje në vitin 2021, por kompania nuk u përgjigj kurrë. “Spotify është bërë një makinë parash për bandat”, thotë ai.
Platforma numër një në botë e transmetimit të muzikës tha se po bën gjithçka që mundet për të luftuar transmetimet e rreme dhe e sheh atë si “një sfidë në të gjithë industrinë”./abc
Discussion about this post