Leonardo Bonucci paralajmëron Cristiano Ronaldon se “do të pësojë goditje” nëse Italia dhe Portugalia takohen në play-off të Kupës së Botës në mars.
Italia do të ndeshet me Maqedoninë e Veriut në gjysmëfinalen e play-off-it të Kupës së Botës në mars dhe mund të takohen me Turqinë ose Portugalinë në finale.
“Kam folur me Cristiano Ronaldon dhe bëmë shaka për ndeshjen e mundshme Portugali-Itali”,-tha Bonucci për ‘Rai Sport’.
“Do të shohim se çfarë do të ndodhë në fushë, Cristiano e di se do të pësojë disa goditje. Duhet të përqendrohemi në atë që do të bëjmë në fushë, pastaj në mars do të takohemi sërish dhe jam i bindur se do të luajmë dy ndeshje të shkëlqyera”, -shtoi ai më tej.
Italia nuk arriti të fitojë në grupin e saj kualifikues për Kupën e Botës, duke përfunduar e dyta pas Zvicrës.
Bonucci dhe Ronaldo kaluan tre vite së bashku në Juventus. Mbrojtësi italian u rikthye në Torino në vitin 2018, pas një periudhe njëvjeçare te Milan.
34-vjeçari ka luajtur 463 ndeshje me fanellën e ‘Bardhezinjëve’ duke shënuar 31 gola. Ai ka fituar 17 trofe në ‘Allianz Stadium’, përfshirë tetë tituj të Serie A.
Ronaldo u kthye te Manchester United në një marrëveshje prej 14 milionë euro plus 8 milionë euro gjatë muajit gusht.
Trajneri i Italisë, Roberto Mancini, foli për ‘La Gazzetta dello Sport’, duke thënë se ai nuk po mendon ende për Portugalinë pasi është i vetëdijshëm që Italia duhet të mposhtë Maqedoninë e Veriut së pari./K.T/Gijotina.com
Discussion about this post