Kreu i Grupit Parlamentar të PS, Taulant Balla, ka rikthyer sot vëmendjen te rihapja e hetimeve të shpërthimit në Gërdec, ku theksoi se uronte që këtë herë çështjes ti shkohet deri në fund dhe përgjegjësit të marrin ndëshkimin e merituar.
Më tutje ai foli edhe për tragjedinë e 21 janarit, për të cilën tha se shumë herë ka pasurpërpjekje për të ndryshuar provat dhe për këtë duhen marrë në pyetje Basha dhe Berisha si të dyshuar kryesore. “Ka pasur një përpjekje për të prishur provat e tragjedisë së 21 Janarit, ku kemi ende një çështje të hapur, që duhet ti shkojmë deri në fund. Drejtësia e re e sapokrijuar duhet të sprovohet dhe të marrë në pyetje Berishën dhe Bashën për rolin e tyre në 21 Janar. Për të mos shkuar më pas në çështjen e Gërdecit, ku duket se kemi zhvillime të reja, të cilat shpresoj që ti shkohet deri në fund. Hesapet mund të shkojnë edhe në vitin 1997 dhe ngjarje të tjera që nxjerrin në pah atë që ka bërë Sali Berisha. Shpallja non grata është fundi më i keq i një personi që ka pasur mundësinë të mbyllë karrierën e tij me nder”, është shprehur Balla.
Discussion about this post