Gjatë mbrëmjes së djeshme IMT ka zhvilluar një operacion në kuadër të lirimit të hapësirave të zaptuara nga bizneset në bregdetin e jugut.
Sipas policisë mësohet se në një operacion ku ishin të përfshirë Komisariati i Sarandës dhe FNSH, në drejtimin e drejtorit të Pergjithshem të IMT, Agim Ismaili dhe Shefit të Komisariatit të Sarandës, Gerald Toska, është zbuluar një plazh i hapur dhe i ndërtuar në menyre të paligjshme në Ksamil.
Në plazhin e ndërtuar në vendin e quajtur “Laguna” janë zbuluar dhe sekuestruar qindra shezlonge të vendosura.
Gjithashtu në këtë hapësirë ishte ndërtuar edhe një bar-restorant në mënyrë të paligjshme.
Në kuadër të këtij operacioni është zbuluar edhe një rrugë e hapur e ndërtuar me mure betony që të çon në këtë plazh.
Në lidhje me këtë është shoqëruar një person dhe është shpallur në kërkim një tjetër.
Discussion about this post