Jemi zyrtarisht në stinën e vjeshtës por moti me diell ka bërë që pushuesit të vazhdojnë të frekuentojnë plazhin në Shëngjin. Plazhet e vendit kanë qenë të frekuentuara edhe në këtë fundjavë të parë të Shatorit.
Në bregdetin e Shëngjinit, krahas pushuesve vendas, janë ende qytetarët nga Kosova të cilët i mbeten besnik plazhit. Duke e ditur që ndodhemi në muajin e shtatorit, turistët kosovarë kanë shfaqur edhe mendimin e tyre në lidhje me çmimet, ku shprehen se gjërat në përgjithësi janë më të larta se vitet e kaluara.
“Plazhi është i mirë, uji i mirë, të gjitha të mirat. Dje ka qenë pak frymë. Vendosa shtatorin pasi isha i zënë me punë. Më pëlqen plazhi i Shëngjinit, vetëm çmimet janë të larta në krahasim me vitet e tjera. Çdo gjë, që nga shezllonet deri tek apartamentet. Populli dhe shteti është pak i pakujdesshëm, pasi nuk merr masa për të mbajtur vendin pastër.”
Edhe pse në mbyllje të sezonit turistik, fluksi i qytetarëve që kanë zgjedhur të kalojnë pushimet në bregdetin shqiptar, vijon të jetë i madh.
