Sevilla dhe Roma do të ndeshen sonte në orën 21:00, në kuadër të finales së madhe të UEFA Europa League.
Takimi që do të zhvillohet në Budapest të Hungarisë, pritet që të jetë shumë i tensionuar me dy skuadra që duan të fitojnë, me çdo kusht, trofeun e dytë më të rëndësishëm të futbollit europian për klube.
Sevilla vjen në këtë sfidë, e avantazhuar vetëm për faktin, se ka triumfuar edhe më parë, në Europa League (mban rekordin me 6 tituj të fituar).
Kundërshtari i saj, Roma e Jose Mourinhos, nuk do t’ia dijë për rekordet e rivalëve dhe do bëjë të pamundurën, për t’i shkaktuar humbjen e parë andaluzëve, në një finale të Europa League.
Për sa i përket rreshtimeve në fushë, Sevilla pritet të zbresë me një 4-2-3-1. Mendilibar pritet që të aktivizojë këta futbollistë:
Bounou, Navas, Badé, Gudelj, Telles, Fernando, Rakitic, Ocampos, Torres, Gil, En-Nesyri.
Mourinho, nga ana tjetër, një ekspert i finaleve europiane (nuk ka humbur asnjë deri tani), do e rreshtojë ekipin e tij me modulin 3-4-2-1:
Rui Patricio, Mancini, Smalling, Ibanez, Celik, Cristante, Matic, Spinazzola, Pellegrini, Dybala, Abraham.
/m.b /gijotina.com
Discussion about this post