Armando Broja bëri një tjetër paraqitje fantastike në fitoren e sotme të Southampton ndaj West Ham. Edhe pse nuk shënoi ai ia doli të fitonte një penallti që u kthye në gol dhe i vështirësoi punën mbrojtjes kundërshtare.
Trajneri i Brojës, Ralph Hasenhuttl ka pasur fjalët më të mira pas ndeshjes për sulmuesin shqiptar.
“Po, mendoj se ishte një faull i qartë. Nëse do të ishte brenda ose jashtë (zonës) nuk mund ta shoh nga perspektiva ime”, tha Hasenhuttl duke komentuar penalltinë.
Ai vazhdoi më tej me elozhet për Brojën dhe lavdëroi shpejtësinë e tij, ndërsa vuri në dukje se ai është shumë i rëndësishëm për ekipin dhe po bëhet gjithnjë e më i mirë.
Por ishte një faull i qartë sepse ai është larguar, ai mund të shënojë ose asistojë. Ai është i shpejtë, Broja është super i shpejtë.
Shumë i rëndësishëm, po absolutisht. Ai bëhet gjithnjë e më i mirë. I pëlqen këtu me ne, i pëlqen të luajë me ne, ndihet rehat këtu dhe është i gatshëm të mësojë të punojë shumë, dhe kjo është ajo që ne bëjmë”, tha trajneri i Southampton.
Discussion about this post