Festivali i muzikës “Eurovision” këtë vit do të mbahet me publik në sallë dhe do të organizohet në “Ahoy Arena” të Rotterdamit në maj, pasi ishte anuluar vitin e kaluar.
Më herët, BBC raportoi se në arenë do të lejohet prania e 3.500 shikuesve si pjesë e testimit nga qeveria e Holandës. Arena do të jetë gjysmë e mbushur dhe spektatorëve do t’u duhet një test negativ për Covid-19 para se të lejohen brenda. Organizatorët e Eurovisionit e kanë mirëpritur këtë vendim dhe kanë thënë se do të “shqyrtojnë opsionet që janë në dispozicion”.
Një vit pas anulimit si pasojë e pandemisë COVID-19, gjysmëfinalja e parë fillon sonte.
Mbrëmjen e sotme, 16 shtete do të paraqesin këngët e tyre në skenë, por vetëm dhjetë prej tyre do të marrin një vend në finalen e madhe, e cila do të mbahet të shtunën më 22 maj. Shtetet në gjysmëfinalen e parë janë: Lituania, Sllovenia, Rusia, Suedia, Australia, Maqedonia e Veriut, Irlanda, Qipro, Norvegjia, Kroacia, Belgjika, Izraeli, Rumania, Azerbajaxhani, Ukraina, Malta.
Anxhela Peristeri do të ngjitet në skenën e madhe në natën e dytë dhe do të jetë e 11-ta në radhë për të kënduar. Në të njëjtën mbrëmje me të do të këndojnë edhe Greqia, Serbia, Bullgaria, Zvicra etj.
