Prokurori, Cesar Suarez, i cili ishte duke hetuar sulmin e armatosur në një studio televizive në Ekuador është qëlluar për vdekje. Atentati ndodhi në qytetin port të Guayaquil, e cila është qendra e luftës së Ekuadorit kundër bandave të drogës.
Sipas autoriteteve vendase ende nuk është e qartë nëse vdekja e Suarez është e lidhur me hetimin e tij për sulmin në stacionin televiziv. Më herët ai paralajmëroi se nuk i ishte dhënë mbrojtje policore pavarësisht se kishte marrë në pyetje 13 personat e arrestuar pas sulmit në TV.
Javën e kaluar persona të maskuar hynë në studion e kanalit televiziv publik TC gjatë një transmetimi të drejtpërdrejtë dhe kërcënuan me armë. Pas sulmit në studion televizive, presidenti i Ekuadorit, Daniel Noboa shpalli vendin në gjendje të jashtëzakonshme 60-ditore dhe urdhëroi ushtrinë të “neutralizonte” 22 grupe të armatosura, të cilat ai i ripërcaktoi si organizata terroriste.
Discussion about this post