Ministrja për Marrëdhëniet me Parlamentin, Elisa Spiropali gjatë fjalës së saj të mbajtur në stadiumin “Galatsi” në Athinë ku po zhvillohet takimi me shqiptarët që jetojnë aty, ka gjetur rastin të ngushëllojë shqiptarët që kanë marrë rrugën e emigrimit masivisht këto vite, duke u shprehur se edhe kryeministri Edi Rama ka qenë një emigrant.
Ajo u shpreh se kryeministri Edi Rama, 25 vite më parë ka qenë vetë emigrant, por sot është kryeminsitër i Shqipërisë dhe gjithë shqiptarëve. Ministrja i bëri thirrje gjithë emigrantëve që të kthehen dhe të investojnë në vendin e tyre.
“Historia dhe gjeografia janë bërë shpesh barrikadë kundër popujve. E di që sot jeni mbledhur kaq shumë për të dëgjuar fjalën e dikujt që rreth 25 vite më parë ishte emrigrant në perëndim. Ai sot është kryeminsitir i vendit tuaj. Mjafton të mendosh se çfarë marrëzie ishte kur ju ikët nga Shqipëria e deri pak vite më parë ta mendoje se vendi ynë do të bëhej magneti i mbi 10 mln turistëve në vit, ndër të cilët edhe grekë. Për të kuptuar se si është kthyer bota përmbys. Kjo përmbysje është lajmësja e parë e një ftese për ata që kanë kursime për të investuar na bastin e sigurt të Edi Ramës dhe shqiptarëve që kanë zgjedhur të rrinë. Shqipëria e sotme nuk është ende vendi ku kush kthehet e gjen të shtruar rrugën, por është padiskutim vendi ku kush kthehet me dijen, aftësinë, eksperiencën e migracionit i ka mundësitë për t’ia hapurr vetes rrugën në një copëz Evropë në formim e sipër”, u shpreh ajo.
Discussion about this post