Aventura e mesfushorit Federico Bernardeschi në Kanada duket se do të marrë fund shume më shpejt se sa mendohej. Futbollisti 29-vjeçar i cili fitoi Kupën e Europës në vitin 2021, me Italinë, është gati të bëjë prapakthehu në Serinë A pasi eksperienca e tij te Toronto nuk ka qenë ndër më të mirat.
Edhe pse kishte shkuar me shumë bujë atje nga radhët e Juventusit, Bernardeschi nuk ia doli të ndihmonte ekipin për arsye dëmtimesh apo edhe disiplinore, duke luajtur vetëm 34 ndeshje e shënuar 11 gola në 2 sezone.
Problemet e krijuara së fundmi, me përplasjet me tifozët dhe drejtuesit e skuadrës, kanë bërë të qartë se ai nuk do të vazhdojë më te Toronto.
Për të në Itali ka shfaqur shumë interes Monza, me Adriano Galianin i cili i ka ofruar mundësinë që të kthehet e të luajë rregullisht titullar në radhët e kësaj skuadre për të rifituar edhe vendin në kombëtaren italiane.
Discussion about this post