Vazhdojnë prej muajsh protesta për të mbrojtur shtëpitë, pro zëri i tyre nuk u dëgjua kurrë. Gjithsesi, banorët e Paskuqanit dhe Laprakës nuk dorëzohen dhe kërkojnë drejtësi, për këtë arsye ata kanë dalë sërish sot në protestë për të kundërshtuar projektin që prish shtëpitë e tyre. Protestuesit kanë bllokuar rrugën dhe kanë kërkuar që qeveria të gjejë një zgjidhje duke u dhënë vendstrehim të gjithë atyre personave që preken nga projekti
Ata shprehen se IKMT shkon dhe iu prish shtëpitë pa një urdhër te saktë. Madje tre ditë më parë qytetarët janë paralajmëruar se do të gjobiten me 20 milionë lekë nëse nuk i shembin vetë shtëpitë. I revoltuar një qytetar i ka bërë thirrje Ramës të dalë dhe të bisedojë me ta, ndryshe votat që ka marrë do t’i kthehen në goditje nga ata.
“Para tre ditësh ka ardhur IKMT ilegalisht dhe na kanë thënë që nëse nuk i prishim vetë ne shtëpitë tona atëherë, do na gjobisnin me 20 milionë lekë. Me shtëpinë tënde do merremi më vonë ne nëse nuk na strehoni. Prandaj ju them kryeministër i lini talljet dhe showt se more 1 milionëvota po do marrësh 1 milion grushte pastaj nëse nuk na gjeni zgjidhjen”, u shpreh një qytetar. Sakaq, ata i bënë thirrje qeverisë që njësoj sikur iu shemb shtëpitë atyre, le të të veprojë edhe më hapa konkret në dëmshpërblimin që ata meritojnë
Discussion about this post